Trátase dun dos grandes museos catedralicios de Galicia. A Catedral de Lugo alberga unha ampla colección de arte con obras de escultura, pintura, ourivaría e numismática, onde destacan numerosas pezas que van desde o Paleolítico ata a época actual. Sobresae o célebre “Crismón de Quiroga” unha peza do século V, testemuño antigo da presenza do cristianismo en Galicia. Tamén é interesante a visita do claustro de estilo barroco galego, o triforio e a torre norte.