Igrexa, de estilo barroco de tipoloxía rural, dos séculos XVII-XVIII. Presenta unha planta de cruz latina onde se desenvolve unha soa nave. No interior destacan dous retablos realizados en madeira policromada, que están situados nun dos brazos do cruceiro. Tamén garda unha curiosa imaxe da Virxe Negra de Loreto. No exterior a ornamentación atópase na fachada principal. Trátase dunha igrexa simple e sinxela. Nun dos laterais conta cun adro cuberto para cobixar aos fieis en días chuviosos.