Igrexa do século XII, con reformas dos séculos XV ou XVI, que perdeu grande parte dos elementos románicos. A nave é rectangular, os muros de cadeirado e cachotaría de granito e a cuberta de tella a dúas augas. A fachada principal, coroada por unha espadaña dun só van, ten unha porta con arco de medio punto e un pórtico pegado con muro cego no lateral norte e columnas e piares nos dous restantes, que sosteñen un tellado de lousa a tres augas. A ábsida é rectangular, máis baixa e estreita que a nave, con arco triunfal de medio punto en aresta, que no interior conserva restos de pinturas murais renacentistas.