Construída en 1720.

Ten unha nave de planta de cruz latina, muros de cantería, cuberta a tres augas e tellado de tella. A fachada ten unha porta flanqueada por un frontón triangular, no tímpano do cal hai unha fornela coa imaxe da Virxe, dúas pilastras estriadas, molduras e unha ventá. Sancristía pegada a un dos laterais da nave.
O campanario sitúase exento da igrexa. Erguido en 1972 a un lado do adro, é de cemento.

Ten un retablo, feito polos escultores noieses Bernardo del Río e Alonso Fernández en 1727, con imaxes no interior.