Igrexa de cronoloxía indeterminada pero con claro estilo plateresco. Exterior sinxelo destacando a decoración da portada, con arcos de medio punto entre pilastras talladas e con doelas decoradas con motivos xeométricos. Lintel decorado con secuencias de cabezas. Portada con frontón clásico e especie de rosetón que rompe a robustez da fachada e contribúe ao seu dinamismo. Campanario de planta cuadrangular con tres corpos en alzado destacando as ventás do terceiro nivel.