Ao entrar no lugar de Rante, unha fermosa igrexa de arte románica indícanos onde se celebra o culto a santo André. A súa construción é de cantería isodoma, con planta rectangular e cuberta a dúas augas. A porta central de acceso conta cun arco lixeiramente apuntado. Presenta tamén na fachada unha fiestra con arco de medio punto.

O campanario ten oco para dúas campás. Reconstruída no século XVII, posúe unha virxe sedente en pedra gótica.