Pequena igrexa barroca, de tipoloxía rural, que presenta unha planta rectangular, dividida entre a nave e a ábsida por un arco triunfal. A ábsida mostra dúas alturas: a planta baixa dedícase a capela, mentres que o piso superior é a vivenda do párroco. Os muros están recebados agás nos vans. A cuberta é a dúas augas. Ten unha porta lateral de acceso e unha fachada principal sobria, onde se abren unha porta principal e un ventanuco alintelados. Preto da capela destaca unha bonita fonte milagreira de pedra.