Propiedade privada non visitable.

Estamos ante os restos do que noutrora foi o histórico Pazo de Aprazadoiro xa que na actualidade só se conserva unha casa de pedra situada no medio da aldea e a capela do Pazo. No seu interior hai un retablo barroco do século XVIII, e ademais ten un escudo nobiliario que representa a familia dos Mariño, Lobeira, Bermúdez, Castro y Vilardefrancos. Actualmente ten a función de Alpendre.

En canto a casa de pedra (antiga dependencia desta mansión) é de planta graduada formada por dous corpos rectangulares unidos. Muros de cadeirado e cuberta de tella a dúas augas. Na súa fachada dereita pódese ver a pegada da cuberta da parte do Pazo derrubada. No seu lugar atópase unha nova construción cun escudo. Pola parte posterior sobresae un anexo semicircular correspondente ao forno.