De día e de noite, aquí sempre hai ambiente. Esta é unha cidade para pasear e gozar, con praias en pleno centro e, presidido pola Torre de Hércules, un longo Paseo Marítimo que a rodea case por completo.
Os coruñeses e as coruñesas teñen fama de vivir ben, así que sigue os seus costumes. Senta nunha terraza na Praza de María Pita e descubre a súa apaixonante historia. Ou pasea polos Cantóns e admira as súas famosas galerías de cristal, de estilo modernista. E se queres ir de compras este é o sitio perfecto, sobre todo se queres vestir á moda.