Casa Rodrigo é unha antiga vivenda tradicional restaurada. Trátase dunha construción independente situada na parte alta da aldea de Paderne, na Serra do  Courel.

A casa alúgase integramente. Dispón de tres cuartos dobres con baño privado en cada unha delas, un salón con cheminea, unha cociña e unha terraza, distribuídas en 2 plantas útiles:

Entrando desde o soportal á planta alta atopamos a cociña, o salón con cheminea e unha habitación, e descendendo á planta baixa, as dúas habitacións restantes e a terraza. Desde todas as dependencias pódese gozar dunhas estupendas vistas á montaña.

Aínda que a cociña está ben equipada, se non che apetece cociñar podes comer ou cear no restaurante de  As  Triegas (é outra das nosas casas e queda xusto á beira) Alí poderás degustar pratos preparados con ingredientes naturais: as verduras que cultivamos nos nosos hortos e a carne dos animais que criamos (pito, tenreira, porco, coello...).