Área municipal, con 4 prazas de aparcadoiro, situada á beira do
centro de saúde e a escasos metros do centro da vila onde atoparemos
todos os servizos. A gasolineira máis próxima está a 4,8 km.
O
Concello Mazaricos, sitúase no Noroeste de Galicia, na zona suroeste
da provincia da Coruña, atópase entre Negreira e Cee na ruta do Camiño
de Santiago a Finisterre e Muxía, dentro da comarca do Xallas. Do seu
patrimonio destacamos numerosos castros, igrexas e ermidas, muíños, os
pombais e fontes comunais. Os hórreos ou cabaceiros. Mazaricos tamén
ofrece múltiples posibilidades de lecer: nas carballeiras como ras de
Anllares, de Chacín ou de Figueira, fervenzas como a de Santa Leocadia,
de Noveira, Firvado, etc. Miradoiros como o Miradoiro de Aro, do
Pedregal, do Pindo ou o Monte Ruña de máis de 600 metros de altitude.
Rutas de sendeirismo como:
- Ruta dos encoros. Sae do encoro da Fervenza e percorre as beiras do río Xallas ata o encoro de Santa Uxía
-
Ruta do Río Beba. De sur a norte polas beiras de río Beba, na que nos
atopamos co cruceiro de Cirolán ou a praia fluvial e área recreativa da
Pontenova, ata chegar ao río Xallas.
- Ruta dos Peregrinos. Percorre o Camiño de Santiago por Mazaricos, pasando polo monte Aro.