Área de Servizo municipal, sen prazas específicas de aparcadoiro para autocaravanas. Situada diante da Casa da Cultura onde se atopa a Oficina de Turismo e o Museo Etnolúdico de Galicia (MELGA).  A 300m. hai unha gasolineira. No centro da vila que se atopa a 500m. da área, no  paseo fluvial, pódese estacionar sen molestar, con supermercados, cafeterías, restaurantes etc. 

Ponteceso forma parte da comarca de Bergantiños. Ademais do gran valor paisaxístico que se lle outorga a este municipio destacando: a enseada de Insua na desembocadura do río Anllons, as súas preciosas praias como Balarés, Niñons, Osmo, Ermida, etc. e as áreas recreativas ao longo do río Anllóns tamén destaca o Porto de Corme, o Faro do Roncudo, os miradoiros de Monte do Faro e de Monte Branco, casa natal de Eduardo Pondal, o Museo Etnolúdico de Galicia (MELGA), etc.