Sendeiro da rede de Rutas do Salnés que comparte algúns tramos coa ruta 6 do Centro de BTT O Salnés, polo que ambos percorridos poden ser combinados para os usuarios da bicicleta.

A primeira parte do percorrido ascenderemos á ladeira do monte A Escusa dende onde se divisa a Ría de Arousa. Despois dun tramo camiñando por pistas forestais comezaremos a descender seguindo o curso do río San Martiño, un pequeno canle que serpea entre as rocas creando coloridos recunchos. Conta a lenda que os musulmáns botaron a este río, no lugar coñecido como O Pozo Negro, as campás que roubaron da igrexa de San Salvador de Meis, descubertos os culpables, o pobo obrigoulles a recuperalas perecendo varios no intento.

O último tramo da senda, aínda seguindo o curso do río, é completamente chan. Relaxarémonos camiñando entre os viñedos de uva albariña e os milleirais, pasando polas igrexas de San Salvador de Meis e San Martiño de Meis.