PR-G 159 SENDEIRO QUINTÁ - RÍO DONSAL

Sendeirismo
1947

Localización

Becerreá - Lugo

Coordenadas:
42º 57' 49.6" N - 7º 06' 36.7" W
42º 55' 32.8" N - 7º 03' 52.0" W

Descrición

Un bonito percorrido por unha zona de alto valor paisaxístico e natural declarada Reserva da Biosfera, Os Ancares Lucenses e Montes de Navia, Cervantes e Becerreá.
O sendeiro é accesible para calquera sendeirista, recoméndase percorrelo en dirección norte a sur, xa que a pendente será menor, e preferiblemente nos meses menos calurosos.
Comeza no lugar do Couto, segue por unha zona montañosa de mata baixa e condúcenos cara ao val do río Donsal, pasando pola aldea de Quintá. Unha vez no val, podemos desviarnos na derivación para ver a oculta Fonte dos Corzos e a Fraga da Baliña hasta chegar a un fermoso curruncho do río Donsal.
Camiñaremos xunto ao río os seguintes quilómetros e comezaremos o ascenso cara ao Lugar de Sevane, neste tramo veremos exemplares de castiñeiros centenarios cuxa madeira retorcida son testemuña da antigüidade destes camiños. Atravesando Sevane, cuxas cerdeiras dan un froito exquisito, volveremos atoparnos co río Donsal na Fervenza de Sevane,
unha pequena poza de auga ideal para descansar e realizar o avituallamento antes de emprender o tramo final. Hai neste lugar unha sinxela instalación hidroeléctrica que abasteceu durante moitos anos de luz aos lugares do contorno.
Atravesaremos o Lugar de Buisán para iniciar unha longa subida que nos levará ao tramo final, cunha nova panorámica do val que ten o seu apoxeo no espectacular Lugar da Arroxiña.
Dende aquí o camiño descende entre castiñeiros centenarios ata o río Navia onde finaliza o sendeiro.

Acceso

Na A-6 tomar a saída 456 para continuar pola LU-P-0708 durante 14,9 km. Ao borde da estrada atoparemos un panel informativo do sendeiro.

Lonxitude

15,3 km. A ruta principal mide 14 km e a derivación de ida e volta 1,3 km.

Punto de partida/chegada

Punto de chegada: Ponte sobre o río Navia (Concello de Becerreá) - UTM: 29T X:657951 Y:4754392
Punto de partida: Lugar do Couso - UTM: 29T X:654143 Y:4758482

Percorrido

Lugar do Couso, Quintá, Fonte dos Corzos, Sevane, Fervenza de Sevane, Lugar de Buisán, Lugar da Arroxiña, Ponte sobre o río Navia.

Dificultade

Media

Duración

4 horas e 50 minutos.

Servizos

En Becerreá.

M.I.D.E.

Esforzo M.I.D.E.:
Itinerario M.I.D.E.:
Desplazamento M.I.D.E.:
Medio M.I.D.E.:

Acceso en bicicleta

Apto parcialmente

Acceso a cabalo

Apto parcialmente

Cartografía I.G.N. (1:25:000)

99-I Córneas.

Máis información

Asociación Castaño y Nogal
Tel.: 981 126 069
contacto@asociacioncastanoynogal.com
www.asociacioncastanoynogal.com

J Taboada (Técnico homologador de sendeiros)
Tel.: 626 835 030
xullotaboada@hotmail.com

Tipo de percorrido

Pequeno percorrido

Interese

Etnografía
Interese naturalista
Interese paisaxístico

Plano

Data de recollida inicial: 01/08/2019
Arriba
Axúdanos a mellorar!