Capela de planta rectangular e estrutura dunha soa planta con muros de cachotería, na que prima a súa altura sobre o seu ancho. Presenta bufardas en todas as súas fachadas e porta principal de lintel recto, con senllos ocos aos lados. Cuberta que se estende sobre a fachada principal, formando un telladiño sobre columnas de madeira. Coroa a cuberta unha sinxela espadana de cachotería, na que destaca o arco de medio punto executado nos mesmos materiais que a estrutura, e que aloxa unha sinxela campá.

Dentro do núcleo de Baxeles, e próximos á capela, podemos atopar numerosos exemplos de construcións de arquitectura civil nos que observar os elementos tradicionais das vivendas propios da zona.