O Facho de Lourido é un monte de 312 metros de altitude dende o que se pode contemplar a Costa da Morte. O nome de Facho refírese aos antigos sinais luminosos e acústicos que se facían ás embarcacións dende lugares en terra altos e ben visibles.

O amplo dominio visual abrangue dende cabo Vilán até o cabo Touriñán, nun dos tramos máis agrestes da costa galega. Entre cabos, as vilas de Camariñas e Muxía e praias de salvaxe beleza, como a de Lourido, entre incontables rochedos batidos pola forza do Atlántico.