As terras dos Andrade gardan numerosos vestixios desta nobre familia do medievo galego. As Mariñas coruñesas testemuñan o rico legado patrimonial herdado, destacando o castelo da Nogueirosa.

Edificado no 1369 baixo mandato de Fernán Pérez de Andrade, a localización escollida foi un outeiro rochoso coñecido como pena de Leboreiro. Isto respondía á necesidade defensiva da vila de Pontedeume, un dos feudos principais dos Andrade, pero tamén á procura de dominio visual sobre a desembocadura do río Eume e a ría de Ares.

O castelo conserva en moi bo estado a torre da homenaxe, de planta cadrada e vinte metros de alto, cumprindo a día hoxe a función de privilexiado miradoiro.