MONTE FARO

Áreas de recreo e miradoiros
3286
No Camiño de Santiago

Localización

Parroquia: Requeixo (Santiago)

Lugar: O Cabo

27513  Chantada - Lugo

Coordenadas:
42º 37' 16.7" N - 7º 53' 51.4" W

Descrición

O Monte Faro, incluído na Rede Natura 2000 e declarado Lugar de Importancia Comunitaria (LIC), conta cunha situación xeográfica privilexiada. Desde a cima do monte divísanse territorios pertencentes ás catro provincias galegas.

No cumio atópase a ermida da Nosa Señora, centro dunha multitudinaria romaría de gran tradición, xa que aparece mencionada nas cantigas do trovador medieval Xohán de Requeixo.

O miradoiro conta cun panel interpretativo de azulexo en vivas cores obra do pintor coruñés Jorge Peteiro.

Acceso

Saír da vila pola Avda. de Portugal en dirección Lalín-Santiago (LU-213), seguindo os indicadores de Nosa Señora do Faro. A 3kms. Tomar un desvío á esquerda (LU-P-1002), continuar e no cruce de Requeixo tomar un desvío á dereita. Ao pasar o lugar de Fondoreses,  desviarse de novo á dereita e seguir ata as proximidades da ermida do Faro.
Outros accesos:
Desde a estrada de Lalín-Santiago (C.G. 2.1), no alto do Faro.
Estrada LU-213 (acceso por pista forestal).

Accesibilidade

Peonil ou en coche.
Para desprazamentos en autobús hai posibilidade de aparcadoiro na explanada situada a 300 metros do miradoiro.
Accesible a persoas con discapacidade.

Camiños de Santiago

Camiño de Inverno
Arriba
Axúdanos a mellorar!