Foi restaurada no ano 1992. A súa fachada presenta unha porta con arco de medio punto e unha ábsida engadida na reconstrución. Pódense observar restos de contrafortes no exterior e algunhas pilas de granito. O conxunto coróase por medio dunha fermosa espadana. Posiblemente do século XIV consérvase o arco triunfal apuntado que descansa sobre columnas de fuste pequeno e capiteis de follas. Na restauración quedaron ao descuberto dous sepulcros.