Tras adquirir unha folgada posición económica na emigración ao continente americano, Don Clemente, oriúndo de Ribadeo, regresa ao seu pobo natal onde opta pola adquisición de dous edificios anexos que, en parte, reconstrúe e acondiciona para crear unha soa vivenda, circunstancia que queda patente na fachada principal. Isto confírelle unha particularidade especial a este edificio catalogado como indiano, xa que o habitual era que os emigrantes optasen por construcións de nova planta.
Forma parte da Ruta dos Indianos.