A Casa do Óptico, cuxo nome deriva da profesión do seu promotor, é outro bo exemplo de construción indiana. As súas xenerosas dimensións xunto cos elementos decorativos tales como a escaleira e o balcón presidencial ou a decoración da fachada, apórtanlle un maior empaque e monumentalidade. Ao igual que as residencias dos comerciantes e armadores dos séculos XVIII e XIX, está coroada por un gurugú ou miradoiro acristalado, elemento posteriormente incorporado a moitas das vivendas indianas neste concello. No xardín consérvanse a acacia e a palmeira plantadas hai máis dun século.
Actualmente é a sede da Escola Oficial de Idiomas de Ribadeo.
Este inmoble está integrado na Ruta dos Indianos.