Igrexa cuxa primeira reforma rexistrada data do ano 1616. Consta de nave cuberta a dúas augas pousada sobre catro arcos torais que descansan sobre pilastras, con bóveda de canón con lunetos. O cruceiro está máis elevado có resto, con cúpula sobre catro arcos torais. As capelas dos brazos, con bóveda de canón e lunetos. A fronte ten porta alintelada e principio de torre concluída en espadana. Destaca un retablo maior barroco, de dous corpos, con imaxes dos séculos XVII e XVIII. Aínda que o patrón é san Miguel, o 13 de xuño celébrase neste templo a romaría do santo Antón, unha das máis importante da Mariña.