Sitúase na cara principal da Capela de San Roque. É un peto de ánimas de tipo aberto realizado en azulexo policromado. Ten na súa parte inferior unha especie de pousadoiro ou mesa de pedra. O retablo do referido peto áchase conformado por nove azulexos en filas de tres. Nel aparece en azul a imaxe de Santo Antón levando o Neno Xesús no seu colo. Sitúase entre nubes e por enriba de dúas palmas.