Edificio de dúas alturas, planta rectangular e cuberta a catro augas que se ubica nun lugar central da aldea de Rairiz. Os seus muros aparecen levantados en perpiaño granítico de óptima calidade perfectamente labrado e escuadrado. O acceso á vivenda realízase por medio dunha escaleira exterior que desemboca nunha solaina que ocupa a fachada menor da vivenda. Entre todos os seus elementos destaca o monumental portalón de acceso, coroado cunha cruz latina sen figuración. A vivenda íllase do rueiro po rmedio dun elevado muro de 3 m de altura constituído en opus vittatum e decorado con ameas de cantería de grande lucimento.