A planta da casa presenta unha distribución en L dando o corpo principal á praza e rúa adxacente polo leste; no que respecta á altura, en xeral as dúas da edificación equivalen ben a tres das construcións tradicionais contiguas. Conta así mesmo cun corpo que sobresae unha altura máis que o resto do edificio na súa parte posterior onde tamén parece que pode atoparse unha propiedade pertencente aos mesmos donos e de certa dimensión.