Capela construída na primeira metade do século pasado e que foi obxecto o longo dos anos de continuas obras de restauración. Consta dunha única nave ou corpo estrutural, cerramentos en fábrica de pedra tradicional do lugar con revestimento e acabado cromático e cuberta a dúas augas con lousas de xisto como material de cubrición. Destaca a espadana paralela curiosamente envolta sobre o alzado de maior dimensión, baixo a que na fachada disponse a porta de acceso dende o exterior pouco diferenciada.