Peto de forma aberta con tellado de pedra que o protexe da chuvia, xa que a fornela apenas ten profundidade. Carece de reixa de ferro e caixón de esmolas, xa que as moedas se recollían nun caixón pola parte de atrás do muro da casa á que está pegado. O retablo, de pedra policromada mostra un Cristo crucificado entre dúas Virxes e tres fieis, en fileira, na parte inferior. A figura do centro é unha cura recoñecible polo seu atavío; á súa esquerda un home e á súa dereita unha muller.