Cruceiro de toelo ou pedra de Moeche, construído a finais do século XIX (1890) a devoción de Manuel López, veciño do lugar. Levantado sobre un pedestal graduado, con inscrición. Presenta un fuste curto, rematado en capitel. A cruz superior mostra un relevo de Cristo crucificado no reverso e outro da Virxe de Pastoriza no anverso. O cruceiro áchase instalado nun ámbito fluvial, nun pequeno afluente do río Grande de Xubía, e nas inmediacións da fonte de San Paio.