Esta casa, construída na segunda metade do século XIX, atópase emprazada fronte ao peirao, na vila de Camariñas. De marcado carácter lonxitudinal, a edificación conta con dúas plantas e, cuberta a dúas augas con tella. A planta baixa conta con tres vanos e a porta de entrada situada no extremo dereito onde se atopa inscrita a data de 1864. A planta superior, pola súa banda, articúlase con catro balcóns realizados en ferro forxado, con motivos vexetais. O corpo anexo, de dimensións máis pequenas conta igualmente con dúas plantas, a baixa cunha porta de entrada independente e, a superior, cunha galería.
Destacar que foi nesta casa onde se colocou o barómetro co que se obsequiou ao pobo de Camariñas tras a catástrofe do Serpent no 1890.