Vivenda rural de muros de cachotería e carpintería de madeira en mal estado de conservación. Presenta unha edificación acaroada á vivenda. Situada no núcleo de Ferrol, o lugar leva o nome de Pazo, o que nos indica, xunto ao feito de que esta propiedade posúe unha capela, a importancia que a casa tivo na rexión. Atópase nunha contorna formada por prados, terreos de cultivo e edificacións tradicionais e de nova construción.