Casa de planta cadrada e cuberta de lousa a catro augas con catro cumios que se xuntan nunha lanterna central, ademáis de outras catro vertentes nas diagonais. A composición da fachada é complexa. A fachada principal amosa un mostrario de arcos nos ocos: medio punto baixo, trebolado no primeiro andar e conopial no baixo cuberta. Nas fachadas laterais substitúese o treboado por oxival, e mantense o resto igual. Canto ás varandas, na fachada principal vense de balaustres de pedra en tanto as laterais son de ferro fundido. A entrada principal ten un soportal, a modo de baldaquino, cuberto cunha terraza á que se pode acceder desde o balcón central. Nas catro esquinas hai galerías circulares de ferro fundido altamente decoradas. Todo o beiril está adornado por unha gardamalleta flamíxera con pináculos nos oito cumios. A fachada é de cantería; saliéntase o cercos dos ocos e as liñas de imposta. Pecha o terreo un enreixado de lanzas sobre muros con piares.