A súa construción data de 1801. Pertenceu a D. Juan Antonio Gago de Mendoza, fillo ilustre de Marín que durante a Guerra da Independencia liberou a vila e a súa comarca do dominio francés o 4 de abril de 1809. Este pazo foi alterado en varias ocasións para albergar distintas finalidades. Nas súas orixes estaba dotado de foxo, peirao propio e muralla. Deixando o seu carácter residencial o transformaron en fábrica de salgadura, despois en estaleiro e recentemente foi parte da sede do Club de Mar de Aguete.