Igrexa Barroca dedicada a San Pedro e construída sobre outra primitiva da que se conserva o que hoxe é a capela lateral esquerda, cuberta cunha fermosa bóveda de cruzaría de estilo renacentista de finais do S. XVI. Nun altar situado na parte dereita da capela está a imaxe de Santa Cecilia, patroa dos músicos e comprada polos compoñentes da banda de música "Unión de Lantaño", unha das agrupacións musicais máis antigas de Galicia.