Igrexa de planta cadrada, con muros na súa fronte de cachotería, descoñecéndose no resto ao atoparse lucidos e pintado de cor branca. Porta principal de cargadoiro recto e por encima desta, oco abucinado con cargadoiro de arco de medio punto. Espadana estilizada con dous ocos que aloxan sendas campás, sendo unha de menor tamaño en comparación coa segunda. Remate de adorno con oco central e adornado con pináculos e unha pequena cruz de forxa.