Situada a carón do trazado do Camiño Inglés, a igrexa de San Xián de Almeiras atópase nun outeiro desde o que se domina a desembocadura do río Mero na ría do Burgo. Aínda que existen referencias dunha igrexa anterior, a actual foi construída no s.XIX e reedificada na primeira metade do s.XX tras ser arrasada por un incendio en 1936. A edificación segue formulacións modernas na procura da funcionalidade, pero a súa estética atópase ancorada nun certo clasicismo como evidencia a súa fachada.