O inicio está á entrada da aldea da Ermida, xunto á área infantil. Neste pequeno núcleo rural destaca a rústica capela de San Xoán.

O roteiro ascende pola Ferrería, camiño habitual dos turistas que desexan chegar ao afamado Pozo Bastón. Neste tramo, gran parte do trazado discorre xunto ao leito do Rego do Campo Treito que cruzaremos en repetidas ocasións. A algo máis dun quilómetro augas arriba da Ferrería está o desvío a Pozo Bastón, unha poza natural cunhas fermosas fervenzas, situada a uns escasos 350 metros do sendeiro.

A ascensión chega a Campelo, onde comeza a forte subida ao Monte da Muralla. O roteiro non transcorre polo cume, pero merece a pena desviarse ata a mesma para gozar das vistas da ría de Arousa e a ría de Muros e Noia. Retórnase a Campelo e o descenso finaliza na Ermida.

Pola súa proximidade, é moi recomendable achegarse a visitar o hórreo de O Araño, considerado o máis longo de Galicia.