Discorre pola marxe dereita do río Ulla. Para chegar ao comezo da senda, hai dúas opcións. A primeira é percorrer dous quilómetros por unha pista, que descende desde o lugar de Subres na parroquia de Santiso de Cornado. Outra opción é seguir durante un quilómetro o  PR-G 121 desde Ponte Basebe.

O roteiro transita por pistas, camiños e sendas de uso forestal e agrario. Pasa pola Fervenza de Rosende, por montes atlánticos e  sobreiras mediterráneos e por zonas con muíños e novos encoros no Ulla. Tamén chega ata Os Chaos, lugar da parroquia de Santa Mariña de Circes, onde se atopa o coñecido petróglifo de Pena Furada.

Antes de finalizar xunto ao muíño dos Agra, débese visitar unha derivación que se sitúa baixo a fervenza de 30 metros de altura do río  Saímes, coñecida polos nomes de Fervenza de Santa Marta ou Fervenza das Hortas.