Pazo de estilo predominantemente barroco, construído no século XVII. Destacan diversas das súas dependencias utilitarias, como un hórreo con once pares de pés, un alpendre, unha corte, un pombal de planta octogonal e unha capela privada. A vivenda ten unha planta case rectangular, achaflanada na fachada norte, con tres alturas. A planta baixa é máis antiga e áchase formada por grosos e herméticos muros nos que apenas se abren vans. O primeiro piso conta cunha cociña con lareira de gran tamaño. Os panos de cachotería dos muros contrastan coas pezas de cantería dos esquinales e recercos de vans. Destaca unha galería de madeira na fachada sur, na última planta. Sobresae a cheminea, de gran tamaño.
As súas orixes veñen da familia Rodríguez de Arijón e dos Romero.