O edificio Sarmiento, construído entre 1685 e 1714, foi en orixe a sede do Colexio da Compañía de Xesús. Dende o ano 1981 é un dos inmobles que compoñen o Museo.
Na actualidade, exhíbense nas súas salas de exposición permanente e no propio claustro os fondos arqueolóxicos da Prehistoria e a Antigüidade, a arte galega medieval ata o século XIII, as coleccións de louza de Sargadelos, cerámica de Pontecesures e unha selección dos alfares nacionais máis representativos: Manises, Paterna, Sevilla, Toledo e Talavera, así como o legado Sánchez Mesas - Fernández de Tejada de arte contemporánea e asiático-oriental.