A DEVESA DA ROGUEIRA

Paseos
713

Localización

Folgoso do Courel - Lugo

Coordenadas:
42º 36' 50.9" N - 7º 05' 48.6" W

O Paseo

A devesa da Rogueira
Polo bosque máis fermoso

Localizada na serra do Courel, a zona de maior diversidade vexetal de Galicia, atopamos esta ruta que cruza a devesa da Rogueira, un bosque atlántico cunha diversidade arbórea extraordinaria. Faias, teixos, arces, castiñeiros e carballos, entre outros, fan deste lugar un paraíso para os amantes da botánica en particular e da natureza en xeral. 

Tamén a súa fauna é diversa, acollendo corzos, donicelas, gatos monteses ou liróns, ademáis de especies endémicas do norte peninsular como o tritón ibérico ou a ra patilarga. 

A ruta comeza no cumio do alto do Couto, a 1.311 m de altitude, por un sendeiro que se adentra na devesa, onde se alternan miradoiros ao val e ao bosque. É un percorrido cheo de rincóns máxicos atravesados por arroios e balizados por fervenzas que nos conducirá ata as fontes do Cervo. Aí atoparemos dous mananciais, un de augas calcáreas e outro de augas ferruxinosas famoso polas súas propiedades medicinais, e que na zona son coñecidas como as fontes da Fame, xa que bebían delas para abrir o apetito. 

A partir de aquí encamiñamos os nosos pasos cara ao miradoiro de Polín, onde poderemos facer un descanso para desfrutar das vistas antes de iniciar o camiño de volta.

Características

Lonxitude: 4,4 km (só ida)
Punto de Inicio:
Alto do Couto 42°36'50.99"N / 7°5'48.64"W
Punto de Fin:
Miradoiro de Polín 42°36'42.51"N / 7°7'38.20"W

Accesibilidade a ter en conta

Terreo abrupto
Treitos de pendente forte
Zonas de terreo esvaradío

Tipo

Entre bosques e montañas
Data de recollida inicial: 01/01/2021
Arriba