O espectáculo do río Xallas

Un curto pero agradable paseo polo litoral do concello de Dumbría, na parroquia do Ézaro. Comezamos no pequeno peirao situado no extremo occidental do areal, seguindo polo seu paseo ata o inicio da ponte que cruza o río Xallas. Aquí seguiremos río arriba pola preciosa enseada na que veremos chalanas e outras embarcacións mariñeiras. Na outra beira do río érguese a maxestuosidade granítica das estribacións dos montes do Pindo, o chamado Olimpo celta de Galicia. De contado chegamos á central eléctrica do Ézaro, onde unha pasarela de madeira achéganos ata unha das fervenzas máis espectaculares de Galicia: o río Xallas caendo directamente no mar.

Porto do Ézaro (42°54'37.47''N / 9°08'06.64''O)

Fervenza do Ézaro (42°54'46.65''N / 9°07'03.23''O)