A Capela de Xestosa é a de maior altura de toda a provincia de Pontevedra, pois atópase moi preto do Faro de Avión, o lugar máis elevado da mesma, a 1151 metros de altitude. 

Conta cunha porta de metal alintelada na súa entrada, e o teito sostense grazas a tres arcos faixóns.

Na parte traseira do templo atópase un antigo sepulcro antropomórfico labrado na propia rocha, do cal se descoñece a súa antigüidade exacta.

A romería de Xestosa celébrase en San Salvador de Prado o segundo domingo de maio e o último domingo de agosto. Segundo a tradición, o día da romería, os romeiros que meten a súa man na auga dunha tumba precristián que se atopa no lugar, cúranse das súas doenzas.