Saíndo do lugar de Caión, no concello de Mañón, debemos dirixirnos ao lugar do Couce seguindo os indicadores cara ao miradoiro de Augas Caídas.

Unha vez que remata a estrada debemos seguir a pé, baixando por unhas escaleiras ata a base da fervenza. Para vela dende o outro lado do río, pódese cruzar o mesmo ou remontalo e cruzar a ponte do refuxio de Cubelas.

Tamén se pode acceder dende a área recreativa da Ponte Segade, seguindo río pola marxe esquerda do río.

Este salto de auga, tamén coñecico co nome da Mexadoira, cae ao río Sor dende o río Seixo ou Couce e ten unha altura duns 50 metros.