Para chegar ata esta fervenza, na autovía do Barbanza AG11 en dirección Boiro-Noia tomaremos a saída 24 cara a Teaño. Alí atopamos unha explotación agrícola dende onde sae o sendeiro que nos levará ata a freixa. Iremos pola marxe dereita do rego das Fervensas e chegaremos ata o punto onde o río cae abríndose en múltiples canles dende varios metros de altura. O acceso non está indicado.