Desde Mosteiro colleremos o desvío a San Tomé de Nogueira ata a aldea de Arcos. Desde a área recreativa baixaremos ao río. Os saltos de auga atoparémolos no rego de Santo Tomé, un afluente do río Canón, subsidiario do río Umia. O río baixa do monte Castrove e na zona de San Tomé de Nogueira salva un desnivel sobre rochas graníticas con varias fervenzas encadeadas de pouca altura. Non hai sinalización.