Deixamos o coche no Albergue de Peregrinos da Armenteira e percorremos o roteiro en sentido descendente. Este camiño é a antiga senda que utilizaban os habitantes de Ribadumia para chegar ao mosteiro da Armenteira. No roteiro hai dous grupos de muíños: na parte inferior atópanse os muíños de  Barrantes e na parte superior os de  Serén. Á parte dos muíños, atoparemos tamén lavadoiros antigos e zonas fluviais con " poldras", as pedras que permiten vadear os ríos. O camino está sinalizado.