Ten unha nave cuberta a dúas vertentes, arco alintelado de entrada, espadana dun só van e sancristía detrás. Hai un pequeno adro diante da fachada no que se pode ler a data de fundación da capela: 1786. No interior, unha escaleira de caracol leva ata a espadana e a tribuna; chan pavimentado de lastras e dúas pías de auga bieita. Retablo rococó xaspeado e dourado e imaxinería do século XVIII en diante.