Desde a aldea de Bormoio, no concello de Coristanco, seguiremos pola AC-421 en dirección á autovía AG-55. Antes de chegar á rotonda da mesma, hai unhas casas onde deixaremos o coche. A fervenza atópase detrás da casa da dereita. Atoparémola no río Calvar, afluente do río Anllóns, que nace en Coristanco da unión dos regos da Bordeseca e a Uceira, e recibe augas do río Vao (pola dereita) e dos ríos Grelo e Rodín (pola esquerda).  A ruta non está sinalizada.