Construída no s. XVIII. Ten unha nave de planta de cruz latina, muros de cadeirado e cachotaría recebados, cuberta a dous e tres augas e tellado de tella. A fachada, de cantería granítica, ten unha porta alintelada, unha fornela coa imaxe do Patrón e unha ventá. Sancristía pegada á ábsida. Espadana dun corpo composta de tres machóns e dous arcos de medio punto. Ten retablos do s. XVIII con imaxes no interior.