Nas aforas da aldea da Seara, no concello de Quiroga, existe unha antiga ponte que cruza o rio e, dende aquí, accederemos ao sendeiro que indica a ruta cara a Lagoa de Lucenza.

Despois de camiñar durante uns 300 metros poderemos ver, á esquerda, a fervenza de Fócaro. Continuamos, seguindo o curso do río Murelos e ascendendo ata chegar ao cartel l que indica o desvío cara a fervenza de Fondo da Petada.

Dende ese punto ata a fervenza camiñaremos pouco máis de 150 metros por un sendeiro moi estreito e bastante pechado polas matogueiras. Ademais, en épocas de chuvias é posible que teñamos que descalzarnos e cruzar un pequeno regato, polo que é precisa certa destreza para chegar ata o pé deste salto de auga.